Kortaapp Landsbankans fyrir Android

Svona skráir þú kortið þitt

Þú getur skráð bæði debet- og kreditkortin þín í kortaapp Landsbankans í farsíma með Android stýrikerfi. Þú finnur appið „Kort“ í Google Play Store. Úttektarheimildir og öll önnur virkni appsins er sú sama og þegar greitt er með greiðslukorti. Fríðindi á borð við Aukakrónur og tryggingar haldast því einnig óbreytt.


Appið Kort má sækja endurgjaldslaust í Google Play Store.

Appið virkar aðeins í farsímum með Android stýrikerfi en ef þú ert með Apple snjalltæki er hægt að skrá kortanúmerið í Apple Pay í gegnum Landsbankaappið eða Apple Wallet.

Appið virkar fyrir viðskiptavini Landsbankans sem eru með debet- og/eða kreditkort frá Landsbankanum. Kortaappið fylgir tungumálastillingu símans.

Gerast viðskiptavinur

Skrá þarf persónuupplýsingar og velja notandanafn og lykilorð. Að því loknu er hægt að skrá eitt eða fleiri greiðslukort.

Til þess að sannreyna að kortið sé í þinni eigu er krafist auðkenningar með einskiptis lykilorði sem er sent með sms skilaboðum eða tölvupósti.

Tilgreina þarf kortið sem á að vera sjálfvalið þegar framkvæma á greiðslu og virkja möguleikann að greiða í verslun.

Nánar um skráningu

 

Til að framkvæma greiðslu þarf að aflæsa símanum. Síminn er því næst lagður að posa með snertilausri virkni.

Ekki er hægt að framkvæma greiðslur nema að eftirtöldum skilyrðum uppfylltum:

  1. Síminn er með læsingu (fingrafar, andlitsskanni eða lykilorð)
  2. Lykilorð er minnst 4 tölustafir
  3. Kortaappinu er veittur aðgangur að öryggisstillingum farsímans

Spurt og svarað

 

Öryggi kortaapps

Greiðslukort Landsbankans eru alþjóðleg Visakort sem fylgja nýjustu öryggisstöðlum. Það sama gildir um Visakort sem skráð eru í kortaapp Landsbankans, sem er þróað af Visa. Þegar kortanúmer er skráð í kortaappið verður til sýndarnúmer (token) sem eykur öryggi þegar greitt er með símanum.

Bankinn vinnur ekki persónuupplýsingar um auðkenningarleiðir viðskiptavinar. Upplýsingar um auðkenningar eru vistaðar í farsímanum. Nánari upplýsingar um vinnslu persónuupplýsinga hjá Landsbankanum má finna í Almennum viðskiptaskilmálum Landsbankans og persónuverndarstefnu Landsbankans.

Nánar um innskráningu í kortaappið

 

 

Uppfæra greiðslukort

Hægt er að skrá öll greiðslukort frá Landsbankanum í kortaappið en ef þitt kort er ekki að virka í kortaappinu gæti verið að þurfi að uppfæra það í snertilaust kort óháð því hvort það sé útrunnið eða ekki.


Komdu í viðskipti

Í Landsbankaappinu getur þú skráð þig í viðskipti við Landsbankann á örfáum mínútum. Þú sækir appið og auðkennir þig með rafrænum skilríkjum. Með appi Landsbankans geta viðskiptavinir bankans sinnt bankaviðskiptum í snjalltækjum, hvar og hvenær sem er.