Fréttir

15. maí 2018 11:14

Nína og Sigrún taka við störfum sem útibússtjórar

Nína Guðbjörg Pálsdóttir og Sigrún Sæmundsdóttir munu í byrjun júlí taka við stjórn útibúa Landsbankans á Selfossi annars vegar og í Hamraborg í Kópavogi hins vegar. Báðar hafa þær mikla reynslu af störfum í fjármálaþjónustu.

Nína tekur við starfi útibússtjóra á Selfossi af Gunnlaugi Sveinssyni sem lætur af störfum fyrir aldurs sakir. Nína hefur starfað í Landsbankanum í 31 ár. Frá 2004 til 2010 var hún útibússtjóri á Selfossi en frá 2011 til 2018 var hún forstöðumaður á Einstaklingssviði Landsbankans og síðan sérfræðingur í Áhættustýringu.

Sigrún Sæmundsdóttir tekur við stjórn útibús Landsbankans í Hamraborg af Guðrúnu Ægisdóttur sem mun hefja störf í viðskiptalausnum á Einstaklingssviði bankans. Sigrún hefur rúmlega 20 ára reynslu af bankastörfum. Hún hefur unnið í 15 ár hjá Landsbankanum sem sérfræðingur, deildarstjóri og forstöðumaður, m.a. á Einstaklingssviði. Sigrún lauk námi í iðnrekstrarfræði frá Tækniskóla Íslands árið 1996 og B.Sc. prófi í viðskiptafræði frá Háskólanum í Reykjavík árið 2006.

 

15. febrúar 2019 15:38

Landsbankinn hlýtur þrjár tilnefningar til Íslensku vefverðlaunanna

Landsbankinn hlaut þrjár tilnefningar til Íslensku vefverðlaunanna sem verða afhent 22. febrúar á Hilton Reykjavík Nordica. Netbanki einstaklinga er tilnefndur í flokknum vefkerfi ársins, Landsbankaappið hlaut tilnefningu sem app ársins og Umræðan keppir um bestu efnis- og fréttaveituna.


Nánar

15. febrúar 2019 13:37

Samstarfssamningur viðskiptadeildar HR og Landsbankans

Landsbankinn og viðskiptadeild Háskólans í Reykjavík hafa skrifað undir samstarfssamning til þriggja ára. Markmiðið með samningnum er að styrkja nemendur í BSc námi í viðskipta-og hagfræði til þátttöku í alþjóðlegri keppni í fjárfestingum.


Nánar

12. febrúar 2019 15:33

Landsbankinn gefur út skuldabréf að fjárhæð NOK 1.000 m og SEK 500 m

Á grundvelli trausts ársuppgjörs fyrir 2018 hefur Landsbankinn í dag lokið sölu á skuldabréfum með breytilegum vöxtum til þriggja ára að fjárhæð 1.000 milljónir norskra króna og 500 milljónir sænskra króna. Gert er ráð fyrir að skuldabréfin fái lánshæfiseinkunnina BBB+ frá S&P Global Ratings.


Nánar