Fréttir

16. maí 2018 16:48

HM í Hljómskálagarðinum og á Ingólfstorgi

Útsendingar frá HM í knattspyrnu munu fara fram í Hljómskálagarðinum og á Ingólfstorgi í sumar. Leikir íslenska landsliðsins verða sýndir í Hljómskálagarðinum en allir leikir mótsins á Ingólfstorgi.

Landsbankinn, ásamt öðrum styrktaraðilum knattspyrnulandsliða Íslands, Reykjavíkurborg og KSÍ standa að HM torgunum. Þá mun RÚV verða með útsendingar frá Hljómskálagarðinum og gert er ráð fyrir leiktækjum fyrir börn og veitingaaðstöðu meðan á útsendingum stendur.

Einstök stemning myndaðist á Arnarhóli fyrir tveimur árum þegar strákarnir kepptu á Evrópumótinu í knattspyrnu en til þess að geta tekið á móti þessum fjölda fólks var talið heppilegra að vera í Hljómskálagarðinum með tilliti til stærðar og umhverfis, aðkomu og aðgengismála.

Leikir Íslands verða gegn Argentínu í Moskvu þann 16. júní, gegn Nígeríu í Volgograd 22. júní og Króatíu í Rostov 26. júní. Fari svo að Ísland komist upp úr riðlinum verða þeir leikir jafnframt sýndir í Hljómskálagarðinum. Áfram Ísland!

 

18. september 2018 12:10

Umræðan: Hvað kostar að taka skammtímalán?

Uppgefnir vextir á lánum segja ekki alla söguna. Árleg hlutfallstala kostnaðar (ÁHK) er mun betri mælikvarði en hann felur í sér heildarkostnað við lántökuna. Í nýjum pistli á Umræðunni er fjallað um kostnað við að taka skammtímalán.


Nánar

17. september 2018 15:21

Opnað fyrir umsóknir úr Svanna-lánatryggingasjóði kvenna

Opnað hefur verið fyrir umsóknir um lán og lánatryggingar í Svanna-lánatryggingasjóð kvenna. Umsóknarfrestur er til og með 29. október næstkomandi.


Nánar

10. september 2018 15:04

Landsbankinn aðili að Jafnréttisvísi Capacent

Lilja Björk Einarsdóttir, bankastjóri Landsbankans, hefur tekið við viðurkenningu um að bankinn sé nú orðinn aðili að Jafnréttisvísi Capacent. Jafnréttisvísirinn er stefnumótun og vitundarvakning á sviði jafnréttis þar sem staða jafnréttismála innan fyrirtækis eða stofnunar er metin með ítarlegri greiningavinnu.


Nánar