Fréttir

08. nóvember 2018 19:05

Ratað um lánafrumskóginn - fræðslufundur í Stúdentakjallaranum


Mögulega hefur aldrei verið eins einfalt að taka neyslulán eins og nú. Með því að senda sms eða nota app geta neytendur fengið töluvert há lán á nokkrum mínútum. En hvað þarf að hafa í huga við lántökuna?

Landsbankinn og Fjármála- og atvinnulífsnefnd Stúdentaráðs Háskóla Íslands standa fyrir fræðslufundi í Stúdentakjallaranum þriðjudaginn 13. nóvember kl. 17.00 um hvernig hægt er að rata um lánafrumskóginn.

Á fundinum verður m.a. fjallað um hvernig hægt er að bera saman kjör á ólíkum lánum og hvort borgi sig betur að taka verðtryggð eða óverðtryggð íbúðalán.

Á fræðslukvöldinu mun Sigurjón Gunnarsson, sérfræðingur í Fjárstýringu Landsbankans, fjalla um rötun um lánafrumskóginn og Kolbrún Ýr Kristjánsdóttir, fjármálaráðgjafi hjá Landsbankanum, mun ræða um hvernig hægt er að bregðast við ef fjármálin stefna í óefni vegna neyslulána.

Viðburðurinn á Facebook


18. janúar 2019 09:00

Hagsjá: Minnsta hækkun fasteignaverðs milli ára síðan 2011

Fasteignaverð á höfuðborgarsvæðinu hækkaði einungis um 6,2% milli 2017 og 2018. Það er minnsta hækkun sem við höfum séð frá árinu 2011 og mikil breyting frá árinu áður þegar fasteignaverð hækkaði um 18,9%.


Nánar

22. janúar 2019 09:11

Hagsjá: Húsaleiga hækkaði meira en kaupverð íbúða milli 2017 og 2018

Leiguverð hækkaði meira en kaupverð íbúða milli 2017 og 2018. Leiguverð hækkaði um 8,3%, á meðan kaupverð íbúða hækkaði um 5,4%. Á tímabilinu 2011-2015 hefur leiguverð hækkað meira en kaupverð milli ára í þrjú skipti, en kaupverðið hefur hækkað meira fjórum sinnum. Alls hefur leiguverðið hækkað um 77,2% á þessum 7 árum og kaupverðið um 95,5%. Meðalhækkun kaupverðs á á ári þessu tímabili er því 10,1% og meðalhækkun leiguverðs 8,8%.


Nánar

21. janúar 2019 10:22

Vikubyrjun 21. janúar 2019

Fasteignaverð á höfuðborgarsvæðinu hækkaði einungis um 6,2% milli 2017 og 2018. Það er minnsta hækkun sem við höfum séð frá árinu 2011 og mikil breyting frá árinu áður þegar fasteignaverð hækkaði um 18,9%.


Nánar