Fréttir

27. desember 2018 12:28

Vaxtagreiðslur og millifærslur um áramót

Vextir bankareikninga

Vaxtagreiðslur bankareikninga fyrir árið 2018 og skuldfærsla vegna vaxta á yfirdráttarlánum fyrir desembermánuð 2018 fara fram þann 31. desember. Útreikningur miðast við stöðuna á reikningum eins og hún er um kl. 16.00 þann dag.

Millifærslur

Allar millifærslur og aðrar greiðsluaðgerðir sem framkvæmdar eru á milli kl. 16.00 og 21.00 þann 31. desember 2018, tilheyra árinu 2018 og verður tekið tillit til þeirra við næsta útreikning vaxta.

Allar færslur sem framkvæmdar eru eftir kl. 21.00 þann 31.12.2018 bókast 2. janúar og tilheyra árinu 2019.

Stórgreiðslur

Stórgreiðslukerfið lokar kl. 12.00 á hádegi þann 31. desember 2018. Eftir þann tíma er ekki hægt að millifæra á milli banka hærri fjárhæðir en 10.000.000 kr.

Launagreiðslur

Viðskiptavinum Landsbankans sem greiða laun er bent á að senda bankanum framvirka launaskrá milli jóla og nýárs, með greiðsludag 31. desember. Ef sú leið er ekki valin er best að viðskiptvinir greiði launin strax um morgunin þann 31. desember.

Afgreiðslutími Landsbankans um jól og áramót

20. mars 2019 09:11

Varað við svikatilboðum um endurheimt fjár

Að gefnu tilefni áréttar Landsbankinn að bankinn á ekki í samstarfi við erlend fyrirtæki eða öryggisráðgjafa um endurheimt fjár sem tapast hefur við fjársvik. Fram eru komin ný dæmi þar sem svikahrappar bjóða fórnarlömbum fjársvika sinna aðstoð undir fölsku flaggi og kynna sig sem samstarfsaðila Landsbankans.


Nánar

20. mars 2019 09:42

Hagsjá: Töluverð verðlækkun á fasteignamarkaði í febrúar

Samkvæmt tölum Þjóðskrár lækkaði fasteignaverð á höfuðborgarsvæðinu um 1% milli janúar og febrúar. Verð á fjölbýli lækkaði um 1% og verð á sérbýli lækkaði um 1,2%.


Nánar

19. mars 2019 13:14

Umræðan: Mennt er máttur – en tengist ekki alltaf starfinu

Hlutfall þeirra sem útskrifast úr háskóla hefur hækkað mikið en um leið virðist sem erfiðara sé fyrir háskólamenntað fólk að fá störf við hæfi og atvinnuleysi í þeirra hópi hefur aukist. Ari Skúlason hagfræðingur fjallar um menntun og starfsval á Umræðunni.


Nánar