Bandarísk skattamál (W-eyðublöð)

Hvað þarf ég að gera?

Uppfylli viðskiptavinir eitt af eftirfarandi atriðum ber að skila til Landsbankans viðeigandi W- eyðublaði sem útgefið er af bandarískum skattyfirvöldum.

  • Fái viðskiptavinur tekjur frá Bandaríkunum svo sem arð af hlutabréfum, vexti og/eða afborgun af skuldabréfum.
  • Viðskiptavinur er fæddur í Bandaríkjunum, með bandarískan ríkisborgararétt eða lögheimili/aðsetur í Bandaríkjunum.
  • Ef einhver af raunverulegum eigendum lögaðila er bandarískur aðili, þ.e. með bandarískan ríkisborgararétt, fæddur í Bandaríkjunum og/eða hefur lögheimili/aðsetur í Bandaríkjunum.
  • Þegar Landsbankinn óskar þess.

Eyðublöð

Skila ber einu af eftirfarandi W- eyðublöðum til bankans sem tilgreind eru hér að neðan (eftir því sem við á).

Upplýsingar af mörkuðum

Á sjóðasíðu okkar má finna upplýsingar um fjölbreytt úrval verðbréfa- og fjárfestingarsjóða; þróun ávöxtunar, gengi, eignasamsetningu, áhættukvarða og samanburð.

landsbankinn.is/markadir

Einstaklingar

W-9 eyðublaðið

  • Á við um einstaklinga sem eru bandarískir aðilar í skilningi bandarískra skattalaga (t.d. bandarískir ríkisborgarar og handhafar græna kortsins). Social security number er skráð á formið.
  • Með því að skila eyðublaðinu undirrituðu staðfestir viðskiptavinur að hann sé bandarískur aðili í skilningi bandarískra skattalaga.
  • Gildir frá því það er undirritað, þ.e. gildistíminn er ótímabundinn.

W-8BEN eyðublaðið

  • Á við um einstaklinga sem ekki eru bandarískir aðilar í skilningi bandarískra skattalaga (t.d. íslenskir ríkisborgarar sem eiga bandarísk verðbréf).
  • Með því að skila eyðublaðinu undirrituðu staðfestir viðskiptavinur að hann sé ekki bandarískur aðili í skilningi bandarískra skattalaga
  • Gildir til loka þriðja almanaksárs frá undirritun. Það þarf því að jafnaði að senda Landsbankanum það undirritað á þriggja ára fresti.

Lögaðilar

W-9 eyðublaðið

  • Á við um lögaðila sem eru bandarískir aðilar í skilningi bandarískra skattalaga (t.d. íslenskir lögaðilar sem eiga bandarísk verðbréf).
  • Með því að skila eyðublaðinu undirrituðu staðfestir viðskiptavinur að hann sé bandarískur aðili í skilningi bandarískra skattalaga.
  • Gildir frá því það er undirritað, þ.e. gildistími er ótímabundinn.

W-8BEN-E eyðublaðið

  • Á við um lögaðila sem ekki eru bandarískir aðilar í skilningi bandarískra skattalaga.
  • Með því að skila eyðublaðinu undirrituðu staðfestir viðskiptavinur að hann sé ekki bandarískur aðili í skilningi bandarískra skattalaga.
  • Gildir til loka þriðja almanaksárs frá undirritun. Það þarf því að jafnaði að senda Landsbankanum það undirritað á þriggja ára fresti.

Hvernig á ég að skila?

Viðskiptavinir eru vinsamlegast beðnir um að fylla út, dagsetja og afhenda Landsbankanum undirritað W- eyðublað í tölvupósti á netfangið: fatca@landsbankinn.is.

Af hverju á ég að skila þessu formi?

Ísland og Bandaríkin hafa gert samning um upplýsingaskipti vegna skattamála. Samningurinn er í samræmi við svokölluð FATCA (e. Foreign Account Tax Compliance Act) lög í Bandaríkjunum. Fjármálafyrirtækjum ber að standa skil árlega á upplýsingum um tekjur og eignir bandarískra skattaðila. Upplýsingaskiptin fara fram með milligöngu ríkisskattstjóra.

Hafa samband

Ef einhverjar spurningar vakna þá vinsamlegast hafðu samband við sérfræðinga í Verðbréfa- og lífeyrisþjónustu Landsbankans með því að hringja í síma 410 4040 eða með því að senda tölvupóst á fatca@landsbankinn.is.

Leiðbeiningar Landsbankans

Leiðbeiningar Landsbankans varðandi það hvernig fylla á út W-8BEN eyðublaðið
(aðili sem ekki er bandarískur einstaklingur).

Leiðbeiningar Landsbankans varðandi það hvernig fylla á út W-8BEN-E eyðublaðið
(aðli sem ekki er bandarískur lögaðili).

Leiðbeiningar Landsbankans varðandi það hvernig fylla á út W-9 eyðublaðið
(aðili sem er bandarískur einstaklingur eða lögaðili).

Leiðbeiningar bandarískra skattyfirvalda (IRS)

Leiðbeiningar IRS varðandi það hvernig fylla á út W-8BEN eyðublaðið
(aðili sem ekki er bandarískur einstaklingur).

Leiðbeiningar IRS varðandi það hvernig fylla á út W-8BEN-E eyðublaðið
(aðili sem ekki er bandarískur lögaðili).

Leiðbeiningar IRS varðandi það hvernig fylla á út W-9 eyðublaðið
(aðili sem er bandarískur einstaklingur eða lögaðili).